16.12.2016    15:17

2016-жылдын 15-декабрында “Эрайым” аялдар коомдук бирикмеси тарабынан Германия өлкөсүнүн “Дүйнөгө нан” уюмунун колдоосунда “Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун жана ынтымагын чыңдоо” долбоорунун алкагында “Өз Жардам тобу - тынчтыктын жана өнүгүүнүн көпүрөсү” форумунунун уландысы катары Ош облусундагы активисттердин катышуусунда 3 жылдык ишмердүүлүктү жыйынтыктоочу тегерек стол болуп өттү.

15.12.2016   11:52

“Эрайым” аялдар коомдук бирикмеси тарабынан Германия өлкөсүнүн “Дүйнөгө нан” уюмунун колдоосунда үч жылдык мөөнөт менен 2014-жылы тартылып келген “Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун жана ынтымагын чыңдоо” долбоорун жыйынтыктоо багытында Ош облусунда “Өз Жардам тобу - тынчтыктын жана өнүгүүнүн көпүрөсү” аталышында форум болуп өттү.

15.12.2016    12:07

“Эрайым” аялдар коомдук бирикмеси тарабынан үч жылдан бери Ош облусунун Кара-Суу районунда, Жалал-Абад облусунун Базар-Коргон району менен Жалал-Абад шаарындагы Ч.Айтматов аймактык башкармалыгында ишке ашырылып жаткан “Салттык жана заманбап усулдарды айкалыштыруу аркылуу Кыргызстандын түштүгүндө элдердин достугун жана ынтымагын чыңдоо” долбоорун жыйынтыктоо таризиндеги “Өз жардам тобу тынчтыктын жана өнүгүүнүн көпүрөсү” аталышындагы форум Ош облусу боюнча өтүп жатат.

 13.12.2016     12:39

Германиянын "Дүйнөгө нан" (Brot für die Welt) эл аралык уюму тарабынан колдоого алынган “Эрайым” аялдар коомдук бирикмесинин “Салттык жана заманбап усулдарды айкалыштырып колдонуу аркылуу Кыргызстандын түштүгүндө элдердин достугун жана ынтымагын чыңдоо” долбоорунун алкагында түзүлгөн өз жардам топторунун "Өз жардам тобу- тынчтыктын жана өнүгүүнүн көпүрөсү" аттуу форуму өткөрүлөт.

Форум 14-декабрда Ош дубанында, 16-декабрда Жалал-Абад дубанында болот.

Форумдун максаты: Жергиликтүү деңгээлде элдердин тынчтыгын, ынтымагын, достугун, биримдигин чыңоо жана жарандардын көйгөйлөрүн чечүү максатында ӨЖТ күчүн бириктирүү. Форумда ӨЖТ мүчөлөрү "Этномаданият жана толеранттуулук", "Кичи ишкерлик жана жумушсуздук", "Билим жана коом", "Ички түзүлүш (инфраструктура) жана айлана-чөйрө" багыттары боюнча топтук иштерге бөлүнүшүп, долбоордун максат, маселелерин иш жүзүнө ашыруудагы жаралган ийгиликтер жана топтолгон тажрыйбаларды талкуулашат. Мындан сырткары багыттар боюнча көйгөйлөрдү аныкташып, аларды чечүү максатында форумдун резолюциясын кабыл алышат.

Форумга Кыргыз Республикасынын Өкмөтүнө караштууу жергиликтүү өз алдынча башкаруу жана этностор аралык мамилелер боюнча мамлекеттик агентигинин райондук өкүлдөрү, айыл аймактын жетекчилери, массалык-маалымат каражаттарынын өкүлдөрү, долбоордун аймагындагы мектептин мүдүрлөрү, ӨЖТ мүчөлөрү катышат.